Жашоонун маңызын кээ бир адам төрөлүп, тили чыгып сүйлөй баштагандан баштап эле жашоо керектигин түшүнүп өзүнүкүн туура деп өзү каалагандай жашагысы келет. Андай балдарды жакындары– бул “кежир, кыйык, айтканынан кайтпайт”– деп түшүнөт. Андай жаш өспүрүмдөрдүн ал аракетин түшүнүп, көмөк көрсөтүүнүн ордуна ата-энеси, өздрүнө ыңгайлаштырып алышат. Бара бара балада нааразылык көбөйөт. Себеби, анын айтканындай жашоосу болбой жатат. Көпчүлүк ата-эне баладан “эмне каалайсың?” – деп сурабайт. Ошентип ич ара келишпестиктер көбөйөт. Ал эми кээ бир тил алчаак, ар кандай нерсеге макул болуп, өзүнөн башканыкын туура деп жашаган адам 70-80 ге чыкса дагы үмүт менен качан жакшы жашоо болоор экен деп күтүп жашайт. Жашоо мына ошонусу менен сырдуу. Ал ар кимдин ачылбаган сыры. Ар кимде ар кандай жашоо шарт, турмушка карата өзүнүн ою, жашаган тажрыйбасы бар. Эгерде ушул кезге чейин жашоонун маңызы эмне экенин түшүнө албай жүргөн болсоң өзүңө өзүң суроо бер.
Жашоонун маңызы эмнеде? – бул суроону кайра– кайра өзүңдү канаатандыраарлык жоп алганча сура. Жашооңдун маңызын түшүнүү өзүңдүн аң сезимиңдин деңгээлине жараша болот. Жашоого кандай көз караштасың ошого жараша өзгөрөт. Эгерде аны туура түшүнсөң, ар кандай кыйынчылыктан тез чыгарат. Мындан ары китептин маңызын туура түшүнүүгө жол ачат. Ар бир окурман ар кандай кырдаалда “айлана чөйрөдөгү адамдар аркылуу өзүн, өзүнүн кандай дүйнөдө жашап жаткандыгын көрө баштайт”.
– Учур чак менен жашоону билеминби?
– Бул жашоого эмне үчүн келдим?
– Мен киммин? – деген суроолор пайда болсо, анда аны түшүнүүнү үйрөнүү зарыл. Физикалык денедеги “алсыздык” эркектерди бөйрөк оорууларына чалдыктырып, жыныстык оорууларга шарт түзүп, акыры импотенцияга алып келиши мүмкүн..
Өзүн өзү камсыз кыла албаган, кичинекейинде мээрге, сүйүүгө тойбогон эркектер, өзүн өзү жемелөө менен келечек урпактарынын тагдырына сапатсыз тукум улайт. Андан төрөлгөн балдар “жүрөктөгү тешиктин пайда болушуна”, “аз кандуулукка”, “ итий”, “кем акыл же кызтеке” болушу күтүлөт. Албетте, баланын ден соолугуна эненин акыбалы чоң роль ойноөт.
Эмне үчүн азыркы балдар психикалык жактан туруктуу эмес, алсыз, күчү жок? Себеби, ген аркылуу ага өз учурунда ата-энесинин, чоң ата– чоң энелеринин акыбалы дагы салым кошкон. Убагында алардын кандай жашоодо жашаганы унутулуп эле, энени же баланы күнөөлөп, оңой жолду издешет. Баланын жаралуу процессине баардыгынын салымы кошулганын туура түшүнүп, аны эске алган адамдар өтө аз.
Эми, жогору жактагы мисалда келтирген жигиттин тагдырына эмнелер таасир этип жаткандыгына дагы бир кайрылып көрөлү.
Көзгө көрүнбөгөн нур жипчелер аркылуу ал, өткөн жашоодогу сезимдер же азыркы учур чактагы үй бүлөлүк, тууган– урук арасындагы байланыш нурлары баланын тагдырына кандай терс таасирин тийгизип жаткандыгын түшүнүүгө бир аз да болсо маалымат алдыңар.
Натыйжада аял-эркек мамилесинин бузулушунан жыныстык органдары жабыр тартат. Аял затынын – өзү төрөө жөндөмүнөн ажыратып, “кесерово” же “курсагын кесип төрөшүнө шарт түзөт, б.а. аялынын же кызынын ден соолуктан жабыркашына алып келет. Андай нерсени “жолдошу катуу экен, мүнөзү жаман окшойт” деген шылтоону айтып, күнөөнү бир адамга коюп, тим болушат.
Эркек адамдын өзүн өзү басынтуусу дененин оң тарабынын жабыркашына алып келип , карыганда оң тараптан көпчүлүгү паралич болуусуна шарт түзүлөт. Бир адамдын жабыркоосу – бул бир үй бүлөнүн , бир уруктун, айылдын, шаардын, мамлекеттин жабыркоосуна алып келет. Натыйжада бүт Аалам жабыркайт.
Бул коркутуу эмес, жашоо процесси ушундай тартипте кетет.
Бул менин өзүмдүн жекече анализим, түшүнүгүм. Бир канча таксытоолордон кийин ушундай жыйынтыкка келдим жана мага окшоп түшүнгөн адамдар арабызда бар жана мындан ары көп эле кездешет. Бирок мындай проблеманы ачык айтып жасабай коюу жөнүндө аракетенген адамдар жокко эсе. Мисалы өнүккөн мамлекеттердин психологиясын алып көрсөңөр, Японияда “жаман ойлоого тыю салынган”, Финляндияда болсо балдарга 3 –классты бүткөнчө эч кандай баа коюлбайт. “Баа” коюлбаганда бала өзүн “өзгөчө” сезбейт. Адамдар менен байланышы нормада болуп, баардыгы тең экендигин түшүнөт. Ден соолугу чың болушуна шарт түзүлөт. Экинчи, үчүнчү энергетикалык борборлору жакшы иштейт. Ал Жер менен болгон магниттик байланыштын бекемдиги, коомдо өзүн өзү иштетүүгө, талантын ачууга жардам берет. Өзү сүйгөн жумушту жасаган адам өзүн бактылуу сезет. Аларды кичинекейинен “жок” деген сөздү туура пайдаланууга үйрөтөт.
А биздечи, ойду эле эмес сүйлөп жаткан сөздүн маанисине карабай сүйлөөнү адатка айлантып алышкан. Ал нерсе албетте жеке эле адамга эмес, мамлекеттин дагы өнүгүшүнө терс таасирин тийгизет.
Мен үчүн “өзүм менен өзүмдүн иштөөмдүн” жыйынтыгын тактаган көптөгөн китептердин авторлорунун эмгектери негиз болуп эсептелет: В. Синельников, А. Некрасов, С. Лазарев, А. Коновалов, Н.Жикаренцев, Барбара – Эн – Бренан, Сан Лайт, Вернон Вульф, “Секрет” кинофильмдеринин авторлору, белгилүү психология тармагында эмгектенгендер З.Фрейд, Атонио Менегетти, С.В.Ковалев, Вернон Вульф ж.б.у.с.
ХХ1 Кылым “ аң сезимдүү түшүнүүнүн кылымы” – кайра жаралуунун кылымы б.а. ар бир адам өзүн өзү түшүнүп, өзүнүн мүмкүнчүлүгүнөн кеңири пайдалана баштайт. “Жаңы кылым жаңы жашоо, жаратуу кылымы, жашоонун жогорку дэңгээлге көтөрүлүү кылымы, жаңы мүмкүнчүлүктөрдүн кылымы!!!”
Ар бириңер өз көз карашыңар менен карап көргүлө. Жашоого болгон көз карашыңар кандай? “Жанды” кыйнап жашоо керекпи?
Эмне үчүн эркектер оң тарабынан, аялдар сол тарабынан көп паралич болот? Өзүңөрдүн мүнөзүңөрдү, кыялыңарды, сезимиңерди анализдеп, талдап көргүлөчү. Өзүң үчүн кам көрүп, денеңди машыктырасыңбы?
Мээнин активдүү иштеши үчүн сунуштар:
Өзүңө болгон ишеним. Билбеген ишке макул болуу. Бул адамды ойлонтууга мажбурлайт, жаңы нерсени үйрөнүү менен мээде кан айлануу жакшырат.
Тыйын. Көздү жуумп алып же көрбөй туруп кол менен кармап тыйындарды ажырата билүү. Айрыкча бирөөнү күтүп турганда чөнтөккө колду салып тыйындарды кармалап аныктоо убакытты тез өткөрөт жана кыжырданууну токтотуп, ашыкча тынчсыздануудан, нерв коротуудан сактайт.
Билим алуу. Бул жаңы энергия. Ар кандай билим жаңы идеяларды, жаңы багыттарды көрсөтөт. Билбеген нерсени үйрөнүү көнүмүш адаттан кутултат, денеге кан айланууну жакшыратат.Оруча билсең англисче үйрөн, аны билсең фрацуз тилин үйрөн же оюң менен эсепте.