Ви́дящи вся Росси́я и ины́я страны́ да́нною тебе́, Преподо́бне о́тче Се́ргие, благода́тию Бо́жиею с ве́рою к святы́м твои́м моще́м приходя́щим и ско́рое вспоможе́ние, и при́сное пресла́вное чуде́с творе́ние, удивля́ются. И мы вси, веселя́щеся, я́ко име́ем такова́го ми́лостиваго помо́щника, Просла́вльшаго тя прославля́юще и тя, блага́го раба́ и ве́рнаго слугу́ Госпо́дня, восхваля́юще, вопие́м Ему́: Аллилу́иа.