Взбра́нный от Царя́ сил Го́спода Иису́са, да́нный Росси́и воево́до и Чудотво́рче преди́вный, Преподо́бне о́тче Се́ргие! Прославля́юще мы просла́вльшаго тя сла́вы Го́спода, благода́рственное пе́ние воспева́ем ти, и́бо моли́твами твои́ми от наше́ствия иноплеме́нных и ско́рбных обстоя́ний нас при́сно избавля́еши, я́ко име́я дерзнове́ние ко Го́споду, от вся́ких нас бед свободи́, да зове́м ти: Ра́дуйся, Се́ргие, ско́рый помо́щниче и пресла́вный Чудотво́рче.