Во славу Пресвятыя Единосущныя Животворящыя и Неразделимыя Троицы Отца и Сына и Святаго Духа Единаго Бога.
Бысть оубо во дни благочестивейших великих государей наших1 царей и великих князей Иоанна Алексиевича, Петра Алексиевича, всеа Великиа и Малыа и Белыя России самодержцев.
Кормила же церковная правящу святейшему Иоакиму2 патриарху Московскому и всеа России.
Благословением же преосвященнаго Ионы архиепископа Вятскаго // (л. 41об.) и Великопермскаго:
В лето от создания мира 7190-го3 (1682) февраля месяца на Вятке [в] Богоспасаемом граде Хленове4 в Спаской улице, иже именуется Московъская, при конце ея создася5 божия церковь древяная во имя святых равноапостолных великих царей Константина и матере его Елены, и освятися6 им же преосвященным Ионою архиепископом Вятским и Великоперским в лето от создания мира 7196-е:
А от рожества Бога слова 1688-го7 месяца октовриа в 30 день:
От многа времени труды и тщанием и прилежными подвиги от младых лет // (л. 42) даже до старости церковника Богоявленского собора причетника диачка Феодора Исакова сына Попова, подаянием же милостивых христолюбцов, спомогающих на красоту и благолепие святаго храма сего. По сем же и приходских людей преосвященный архиепископ к той новопостроенной церкви во граде Хлынове при концах трех улиц, Московския, Никитцкия, Морозовския8, жителев новопоселившихся устроил по обычаю церковному. Егда же она святая церковь строитца, от освященнаго чина и от церковных причетников и простых людей многу роптанию бывшу, и всякими наве [тами] // (л. 42об.) и о строении велию препону творяще и досадующе, прилагающе священиковым изветом, дабы их приходския преждния церкви от новозаводныя тоя церкви во оскудении не были в преходящиа лета.
Егда жь прежния приходския церкви устроены и заведены и приходския люди к тем церквам учинены, о сем нималого известия от многих лет не явися, како и начало на Вятке православных христиан утвердися по древним летам 514 лет:
[Б]9ожественною ж благодатию Божиею на Вятке в прешедшия лета по сие настоящее время наипаче народу // (л. 43) умножающуся, а церковнаго поставления и украшения таковыми прешедшими многими леты и нималого тщания, а без воли Божии совершитися людским исполнением до настоящих лет во славу Божию никому дерзнути могущу. И паки восхоте премилостивый Бог наш болма10 прославити то святое место, новопостроенную церковь святаго великаго царя Константина, и люди к крайнему желанию правлящи устроится Божий промысл о ней сицевым образом.
По прехождении осми лет по освящении ея, еже чюден содеяся, в лето 7204-е11 (1695) месяца декемврия 31 день в 3 часу нощи в трапезе той // (л. 43об.) церкви загореся12 скоро и необычно, яко таковаго скорого огненнаго запаления во образ поставить невозможно и недоуменно прешедшими леты.
И та деревянная церковь Божия, и святыя иконы, и книги, и ризы со всяким церковным украшением, от огненнаго запаления весма погоре без отстатку, и всякая церковная утварь от того огня згоре без остатку.
Токмо13 некако обретеся из огня изнесеное святое евангелие14 и животворящий крест15, да образ Знамения16 Пресвятыя Владычицы нашея Богородицы и Приснодевы Марии. К сему же образу // (л. 44) Пресвятыя Богородицы христиане велию веру имуще:
А кто тое святую икону из огня изят, о сем много истязанию бывшу, и отнюд известно не обретеся, никто в явлении человеком изъявися изнесение. И тако новозданная церковь царя Константина прейде, в конец оскуде, и не остася ничего от огня. А приходския люди, у тоя церкви вново отведенныя, еще не приникли, и не обыкли, и не утвердишася, наипаче же иконы их приходския, бывшыя в той церкви, вся згореша; и мысляху они каждо к преждним своим старым цриходским церквам отъитти, понеже у тех церквей отцы их духовъныя, // (л. 44об.) тако же и родители их положены:
О сем же слыша преосвященный архиепископ, и велми душевно печащися, еже бы паки воздвигнути на том месте новую церковь, и призываше к созиданию рачителей, и недоумеющеся, коим образом к строению люди новыя привлещи.
И желание к желанию приложити, и повеле созвати иконописцов, и благослови написати святую икону вново святых великих равноапостольных царей Константина и матере его Елены, воспоминая и памятую17 прежднее подобие святыя иконы, еже и получи прилежным своим тщанием. Написана же бысть святая // (л. 45) она икона царя Константина18 и Елены19 зело вскоре: И тое святыя церкви иерею Дометию и причетником повеле от приходских церквей собрати, наипаче же и от себе преподаде святыя иконы, и книги, и ризы, и церковнаго пения повеле быти на торгу в Спаской древяной малой20 церкви особне.
И по сем устрои день торжества в день неделный, и новонаписанную ону икону соборне и торжественне21 с молебным22 пением в тое Спаскую церковь со освященным собором с подобающим славословлением, последующу всенародному множеству, честне и благолепне принесе и постави того ж 720423 (1696) лета ианнуариа в 14 день, // (л. 45об.) ясно и ныне светится, яко солнце, и просвещает приходящия с верою, и святив воду, и божественную литурьгию служив, обновления ради памяти бывшыя святыя церкви, дабы паки память ея обновити и люди к желанию строения привлещи.
И по сем не по мнозе времени вложи Бог благую мысль в сердце милостивому христолюбцу и христианския истинныя правды от отец своих рачителю того ж града Хлынова новому24 жителю Гавриилу Петрову сыну Машковцову25, поселившемуся во граде Хлынове вново от веси, нарицаемыя Кстинино, и отведен он в приход той Цареконстантиновско [й] церкви. // (л. 46)
И шед к преосвященному архиепископу, обьяви свое доблее намерение, и архипастырского благословения прося, дабы благословил на том месте26, идеже згоре древяная церковь великого царя Константина и Елены, вново завесть и построить каменную церковь от своего ему стяжания.
Преосвященный же архиепископ, сия слыша, радости сердечныя исполнися, со слезами благодаря Бога.
И призывает от освященнаго собора протопресфитера Иоанна и протодиакона Илию и возвещает им со многою радостию и благодарными слезами сие богоподражателное его // (л. 46об.) намерение, понеже он, преосвященный архиепископ, о каменном строении велми тщателен и многотруден, и на Вятке во граде Хлынове от небытия в бытие приведе состави великую соборную каменную церковь Живоначалныя Троицы, у нея же с северной страны церковь великая Николая чюдотворца с трапезою, и с прочими пределы и с полаты, и во архиепископии церковь святаго Алексиа человека Божия, и полаты многи созда во обшую ползу и в память вечную со 184 (1676) году доныне. А до его архиерейского строения на Вятке каменного здания нималого не было, потому что изъвестного камени отнюд никто // (л. 47) не знами27 и не чаяли его. И ему, преосвященному архиепископу, о сем велий труд бысть, наипаче же по нем труждатися о создании святых церквей хотящим во объшую ползу и благолепие оного христолюбца.
По прошению же его благословляет вново каменныя церкви созидателя и строителя, и вдают ему свою архипастрырскую28 благословенную грамоту о церковном том строении:
И тако, благодатию Божиею и благословением его архипастырским, святая та каменная церковь во имя великаго царя Константина // (л. 47об.) и Елены прилежными труды, и тщанием, и подвиги устроися вскоре.
И освятися им же преосвященным Ионою архиепископом Вятским и Великопермским лета 720729 (1699) марта 19 в неделю 4 830 святаго поста, и прадноваша31 честне Христа Бога Нашего и Пресвятыя Его рождшия Его Матере и угодников святых равноапостолных великих царей Константина и Елены.
Боголюбивии же людие, видевше тшание и труды его многия, от имений своих подаяху и святыя иконы в новосозданную32 // [церковь поставляху. Святую же икону великаго царя Константина украсиша честне и благолепне, обложиша окладом сребряным и позлащенным, яже и до ныне во святей церкви светит яко солнце, и светозарныя лучи испущает приходящым с верою к святому тому честному образу на красоту и благолепие во славу Божию предибудущим родом, всем православным христианом.]33