Отроча, рождшиися между 12 днем иунем и 12 днем иулем, есть природы знамения Рака наклонения Луны – флегматик, студен, мокр, иметь будет полное тело, будет бе часто женеск (женского), непостоянного существа, семо и овамо7, сухощав, полон лицем; брада, власы, неравны зубы, очи его семо и овамо преходят, и неравно кругло глав, широкий лоб, узкою грудь, под поясом больши телом нежели вверху. Едва небогат желанием, тороват8, боитися. Будет истрадати великия болезни в руках и ногах или имети будет знак на стегнех9 и окрест пояса, мудр умом, богат в художествах, однако лжив. Возлюбит злобу, аще что приобрящет, не будет брещи, крепок во гневе своем, инако смирен, молчалив, терпит поругания от иных людей. Добре верит. Есть же работлив, скор, добре учен, ростет в надежде, и ума имется разнае. Щастие имеет в добром, и долго у него не пребывает, верно умеет его несть. Долгое пребывание на едином месте. Скоро гневается малые ради вещи и скоро предстанет, и в себе сам одумается. Како непостоянен он есть, однако иногда правду глаголет иже укрощает гнев его. Аще и много зла у него есть, уничижает многия вещи без вины. И чужим болше творит покорством, нежели друзиям своим. И хотя велми таин есть в вещах своих, однакож всем явны будут. Что к добру задумает – злом кончится. Мудр есть во многих вечах10, но небрежет11, что творит. Имеет часто многия любви к женам. Покажется ему две честные жены, обе девы. Однако же мало щастия с ними иметь будет.
Беседу лучшею свою имеет с злыми людьми и от сего охотно в темницу введен бывает, безаслужения. И колико работы и наветов им от юности, однакож много милости от мирских, где обретает их же. Мнози яко благи ему являются быти, однако же ложне. Ему же он долгое время верит, зло ему творит и зле его оставит. Несть же он соседу своему долгое время недруг. И выдет от всех злых обвинений с великою честию.
Во Льве имеет щастие ко всякому скоту и семенам. Переживет братию и придет пред кончиною в убожество. Чада ево будут своеволны и ему сопротивны. Примет жену стыдливую, однакоже будет смирна и добра. Егда Солнце в Рыбах есть – имеет щастие на водах ездить, путешествовати. В Овне имеет щастие во всем, еже начинает. Величайшее его щастие, радость, полза, достоинства его вышния чести суть страны к полунощы. Полудень и восток Солнца склонны, подданы. Являет же запад ему убыток, нещастие, спадение чести, напасть, нужда, труд, неприятельство, сопротивность, насилствие. Щастливейшая его полза пропитания и промысла покажутся из водного наследия и водного образа или что огнем или сквозь огонь приобрестися может. Земныя вещи ненавидими суть ему, суть же ему посредственны и не очень щастливы. Убыток величайший его промысла – суть вещей воздуха: древа, виноградие, воздушного рукоделия, древо делателие, каменноделцы, карабленицы и иныя мастеры: весети, мерети, глаголати на суде. Такожде же все цветы суть ему добры, кроме синего, лазоревого, смешанного и черного. Смерть его придет от злодеяния жен и нехощет умрети, голени ранены будут. Смерти его знак есть опухоль, навет его первее болезнь на руках, зверми вредим, оскорблено стреляние, огнь – горячка, вода или воденая болезнь окрест печени, легкого. Смерть его обращается к ядовитому моровому поветрию или ядовитой крови костей ног. Егда аще 23 лета переживет, то приступит на 60 лета.
Отроковица, рождшаяся между прежде помянутыми днями, тогожде склонения есть природы и наклонения ея, есть скоро гневлива нестерпиво и паки вскоре добра. Живет на свете даже 30 году, тогда наречется домоправительница и верна ей будет всегда, от нее же да пропитается честию. От двух мужей щастие имееть и творит мужу своему много блага и приведет его к чести. Зверь или пес угрызет или уязвит ю. Такожде жена почует в голенях язву. Знака спадет сверху щастие ея в болезнь. И падеж и смерть случится и яко выше писано бе.