Ви́дев князь Петр в возвра́тной боле́зни свое́й, зна́мение гнева Бо́жия, за неисполне́ние обе́та своего́, поя́ти в супру́ги себе́ прему́друю Февро́нию, потща́ся сие́ испо́лнити и сочета́ся с не́ю бра́ком зако́нным. Оба́че и в супру́жестве целому́дренно и богоуго́дно пожи́сте, блаже́ннии, иму́ще еди́ну мысль во двою́ те́лу, е́же благоугожда́ти Бо́гу; те́мже вы́ну пое́те Ему́ ны́не со А́нгелы песнь: Аллилу́иа.